Ազգային, եկեղեցական, ծիսական, ընտանեկան, միավորող Քրիստոսի հրաշափառ Հարության տոնին Դոնի Ռոստովի Լենինի անվան մանկական գրադարանի և թիվ 110 դպրոցի հայերենի խմբակներում մանկավարժներ Ա. Հովսեփյանը և Ծ. Սարգսյանը կազմակերպել էին տոնական միջոցառում զատկական երգ ու պարով, խաղերով:

«Օրպար-ճորպար», «Խնկի ծառ», «Զնգլիկ օրոճ» զատկական երգերը պարի էին հրավիրում ներկաներին, բարձրացնում նրանց տրամադրությունը: Փոքրիկների համար էլ այս օրը հիանալի առիթ էր զատկական թեմաներով նկարելու, ձվակռիվ խաղալու և նաև ներկայացնելու իրենց պատրաստած ձվիկներն ու անուշեղենը:

Միջոցառումն ավարտվեց հայկական տոնական սեղանի շուրջ հյուրասիրությամբ:

Արմինե ՀՈՎՍԵՓՅԱՆ