Օրվա պլան
Առարկան՝ Հայոց պատմություն
Ամսաթիվ՝ 12.04.2023թ.
Դասարանը՝ 12-րդ հումանիտար դասարան
Դասի թեման՝ Հայոց Մեծ եղեռնը և հայերի ինքնապաշտպանական մարտերը
Դասի տևողությունը՝ 2 x 45 ր
Դասի նպատակը՝ Ներկայացնել Հայոց Մեծ եղեռնի պատճառները
Դասի արդյունքում զարգացող վերջնարդյունքները՝
Դասի ավարտի սովորողը կկարողանա՝
1.Բացատրել Հայոց Մեծ եղեռնի պատճառները
2.Ներկայացնել երիտթուրքերի գաղափարները և ծրագրերը
3.Թվարկել Հայոց Մեծ եղեռնի փուլերը
4.Արժևորել հայերի ինքնապաշտպանական մարտերի նշանակությունը
Ձևավորվող կոմպետենցիաները՝
1. Լեզվական գրագիտություն և կարողունակություն
2. Ինքնաճանաչողական և սոցիալական կարողունակություն
3. Թվային և մեդիա կարողունակություն
4. Ժողովրդավարական և քաղաքացիական կարողունակություն
5. Սովորել սովորելու կարողունակություն
Հիմնական հասկացություններ կամ առանցքային կետեր՝ Քաղաքակրթություն, համակարգ, փոփոխություն, պայքար, պատճառ-հետևանք, կառավարում, համակեցություն, փոխկապակցվածություն, հարաբերություններ
Ցուցադրական նյութեր՝ սահիկաշար, քարտեզ
Միջառարկայական կապեր՝ Աշխարհագրություն, Համաշխարհային պատմություն, ՏՀՏ, Հասարակագիտություն
Խաչվող հասկացություններ՝ Ինքնություն, Համակեցություն, Անհատ
Դասի սկիզբ՝ https://youtu.be/PAhwE6hRRxI սովորողները դիտում են տեսանյութը:
Դասի ընթացք՝ Տեսանյութը դիտելուց հետո սովորողները բաժանվում են խմբերի՝ ըստ բացահայտողների, հետազոտողների, միջազգայնագետների, և սկսում են ուսումնասիրել սկզբնաղբյուրները: Բացահայտողները սկսում են ներկայացնել այն գաղափարները, նպատակները, որոնք հետապնդում էր երիտթուրքական կառավարությունը Հայոց Մեծ եղեռնը ծրագրելիս: Հետազոտողները ներկայացնում են Եղեռնի փուլերը, նրա իրականացման մեթոդները: Իսկ միջազգայնագետների խնդիրն է դառնում ներկայացնել միջազգային իրադրությունը, որի ժամանակ ընթանում էր ցեղասպանությունը: Դրանից հետո տեղի է ունենում քննարկում <<Հայերի ինքնապաշտպանական մարտերի նշանակությունը>> թեմայով, որի ընթացքում վեր են հանվում ինքնապաշտպանական մարտերի անհրաժեշտությունը, հիմնավորվում է այն փաստը, թե ինչու բոլոր վայրերում չդիմեցին ինքնապաշտպանության և ինչպես կարելի էր խուսափել ցեղասպանությունից: Այնուհետև խմբերին տրվում է հանձնարարություն մշակել Ցեղասպանության հուշարձան՝ պատկերացնելով, որ Ծիծեռնակաբերդի հուշահամալիրը դեռևս կառուցված չէ, հիմա նրանք փորձելու են կառուցել այն այլ տեսքով և տրամաբանությամբ: Ընթանում է քննարկում, թե ինչ դիտանկյունից է հուշարձանն անդրադառնալու Եղեռնին և ինչպիսի՞ ուղերձով է դա արտահայտվելու: Ընթացքում ուսումնասիրվում են ցեղասպանությունների հուշարձանների օրինաներ և դասի ավարտին ներկայացնում են հուշարձանի իրենց առաջարկը: Դրանից հետո սովորողները Google Forms ծրագրով լրացնում են թեստային առաջադրանքի հարցերը և գնահատվում են բոլորը:
Դասի ավարտին լրացնում են ելքի քարտերը:
ՄԻԱՑԵՔ «ՊԱՇԱՐՆԵՐԻ ՇՏԵՄԱՐԱՆ»-ԻՆ ԵՎ ՏԵՂԱԴՐԵՔ ՁԵՐ ՍՏԵՂԾԱԾ ՊԱՇԱՐԸ, ԻՆՉՊԵՍ ՆԱԵՎ ԳՆԱՀԱՏԵՔ ԵՎ ՄԵԿՆԱԲԱՆԵՔ ԱՅԼ ՕԳՏԱՏԵՐԵՐԻ ՊԱՇԱՐՆԵՐԸ