Հայոց լեզվի ուսուցումը նպաստելու է սովորողների մտքերի, զգացմունքների և ապրումների առավել հստակ և ճշգրիտ արտահայտմանը: Ուսուցման նպատակներին հասնելու համար ուսուցիչը խոսքային մեթոդների հետ համատեղ պետք է կիրառի բազմազան մեթոդներ և տեխնոլոգիաներ: Հիմնական դպրոցի VIII դասարանում աշակերտները խորը գիտելիքներ են ստացել պարզ նախադասության քերականական առանձնահատկությունների մասին: Եվ քանի որ ավագ դպրոցի XI դասարանի ծրագրում պարզ նախադասության մասին քիչ է խոսվում, մենք, հենվելով արդեն ունեցած գիտելիքների վրա, փորձում ենք վերհիշել այն ամենը, ինչը ուսումնասիրվել է VIII դասարանում: