Մանկավարժների մասնագիտա­կան պատրաստվածության և հմտությունների մակարդակով է պայմանավորված աճող սերնդի կրթվածության ցուցանիշը և արժեհամակարգը: Ներմուծվող՝ նոր Հանրակրթության պետական չափորոշիչը /ՀՊՉ/, որի հիմնական պահանջն է կրթական տարբեր աստիճաններում սովորողների մոտ կարողունակությունների ձևավորումը, նոր խնդիրներ է դնում ուսուցչի առջև։ Ուստի ուսուցման գործընթացի արդյունավետությունը կախված է նրանից, թե որքանով է ուսուցիչը խորագիտակ չափորոշչային նոր պահանջները կատարելու, սովորողների մոտ վերջնարդյունքների միջոցով այս կամ այն կարողունակությունը ձևավորելու, մանկավարժական գործընթացի պլանավորման, կազմակերպման, գիտելիքների և հմտությունների փոխանցման հարցերում: Հետևաբար մանկավարժական գործունեությունը մանկավարժից պահանջում է գիտելիքների և մասնագիտական կարողությունների անընդհատ ավելացում՝ ինչը շարունակական աշխատանք է և պարբերաբար թարմացվում է խորհրդատվությամբ, վերապատրաստմամբև այլ ձևերով։