Հայրենասիրական դաստիարակությունը բազմաշերտ գործընթաց է և դրա ընկալումը բնութագրվում է ոչ միօրինակությամբ: Այդ գործընթացը ներառում է պայմանների ամբողջությունը, համակարգը, բովանդակության բազմակողմանիությունը, արտահայտման ձևերի բազմազանությունը: Հայրենասիրությունը և ռազմահայրենասիրական դաստիարակությունը ընդհանրապես և հայրենասիրությունը հատկապես մեզ` հայերիս համար այսօր ունի նոր հիմնախնդիրներ, որոնք պահանջում են նոր լուծումներ, նոր մոտեցումներ, նոր մեթոդներ: Մենք` հայերս, ունեցել ենք հերոսական պատմություն, ունեցել ենք և ունենք հայրենասեր նախնիներ ու նոր սերունդ որոնք իրենց կյանքի գնով մեզ են տվել մի բուռ հայրենիք` շրջապատված թշնամի հարևաններով, որոնք միշտ էլ հոշոտել և հոշոտում են մեր սուրբ հողը, տունը հայրենի, քաշում են մեզ հրի ու սրի: Հայրենասիրական խնդիրը դիտարկվում է տարբեր հետազոտողների կողմից և կախված է անհատական քաղաքացիական դիրքորոշումից, սեփական հայրենիքի նկատմամբ վերաբերմունքից։