Կրթական համակարգի արդյունավետությունը մեծապես կախված է ոչ միայն ուսումնական ծրագրերի որակից, այլ նաև կրթող անձանց՝ ուսուցիչների մասնագիտական կարողություններից ու ունակություններից: Այս համատեքստում առանձնահատուկ տեղ է զբաղեցնում մեթոդժամերի անցկացումը՝ որպես ուսուցիչների մասնագիտական զարգացման և կրթական գործընթացների բարելավման կարևոր միջոց: Մեթոդժամերը, որոնք ներառում են տարբեր կրթական հարցերի շուրջ խորհրդատվական քննարկումներ, կարող են էական դեր ունենալ ուսումնական որակի բարձրացման մեջ, ուսուցիչների փոխհարաբերությունների և համագործակցության ամրապնդման գործում: