Էքսկուրսիան այցելություն է դեպի տեսարժան վայրեր, թանգարաններ, բնություն՝ ուսումնական, կրթամշակութային նպատակներով: Էքսկուրսիայի էությունը կայանում է բացատրությամբ՝ ցուցադրության, շրջագայության մեջ: Այն ինչ սանը տեսնում, տպավորվում է նրա գիտակցության մեջ: Երեխաները բնությունից օժտված են հետաքրքրասիրությամբ: Նրանք սրտառուչ աշխուժություն են ցուցաբերում իրենց շրջապատող աշխարհի մասին տեղեկություններ ստանալիս: Դիտումների ընթացքում երեխաները հնարավորություն են ունենում ծանոթանալու և տեսնելու առարկան, երևույթը: Էքսկուրսիայի ժամանակ երեխաներին բնության մեջ պետք է ցույց տալ ամեն ինչ՝ ծառ ու ծաղկից մինչև բնապատկերները: Բացառիկ է զբոսանքների և էքսկուրսիաների ընթացքում անցկացվող դիտումների, զրույցների դերը: