Թեմայի արդիականությունը։ Ընտանիքի դերը և ազդեցությունը սանի զարգացման, անհատականության ձևավորմանև ողջ կյանքի վրա անժխտելի է։ Ինչպես անժխտելի է այն, որ սանի առաջին դաստիարակը և ուսուցիչը նրա ծնողներն են, ովքեր պատասխանատու են այն միջավայրի համար, որտեղ մեծանում է իրենց երեխան։ Սանի զարգացման հարցում ընտանիքից հետո կարևոր գործառույթ է կատարում մանկապարտեզը, որը դառնալով գործընկեր, շարունակում է ընտանիքի աշխատանքը, օգնում ընտանիքին։ Սանի անհատականության ձևավորման, ներդաշնակ զարգացման համար կարևոր է այդ երկու կարևոր օղակների համագործակցությունը։ Այսօր թե՛ մանկապարտեզը և թե՛ ծնողական համայնքն ավելի մեծ հնարավորություններ ունեն հաղորդակցման և գործընկերության հարթակներ ստեղծելու և իրար աջակցելու համար։ Եվ այդ համագործակցության արդյունավետությունով է պայմանավորված նոր սերնդի առողջ և ներդաշնակ զարգացումը։