Մանկավարժական գործունեության ընթացքում խաղը համարվում է կրթադաստիարակչական միջոց: Այն հնարավորություն է ընձեռում երեխաներին հաղորդել գիտելիքներ, զարգացնել ուշադրությունը, հիշողությունը և երևակայությունը: Խաղն արդյունավետ գործիք է նախադպրոցականի անհատականության ձևավորման մեջ և էական փոփոխություն է առաջացնում նրա հոգեֆիզիոլոգիական զարգացման ընթացքում: Խաղային տեխնոլոգիան ներառում է մանկավարժական գործընթացը խաղերի տեսքով կազմակերպելու տարբեր մեթոդներ և տեխնիկաներ: Խաղը երեխայի կյանքի ու գործունե-ության կազմակերպման լայն դաստիարակչական խնդիրների լուծման, ստեղծագործական ունակությունների զարգացման և ինքնուրույնության դաստիարակության միջոց է: