Նախադպրոցական տարիքը անձի ձևավորման կարևորագույն փուլերից մեկն է, ուստի շատ կարևոր է տարբերակել , թե այս շրջանում սանին ինչ է պետք սովորեցնել, հաղորդել, և առավել կարևոր է, թե ինչպես, ինչ մեթոդներով ու ձևերով դա անել։ Նախադպրոցական տարիքի յուրաքանչյուր սան հետաքրքրասեր և անհագ է իրենց շրջապատող աշխարհի նկատմամբ, հետևաբար սանի տարիքային այս առանձնահատկությունը պետք է առավելագույնս ճիշտ օգտագործվի կրթադաստիարակչական գործունեության ընթացքում։ Յուրաքանչյուր ոք, ով մուտք է գործում կրթական միջավայր, ունի առաքելություն` այն է կրթելու և դաստիարակելու հայրենիքին արժանի, բարոյական, ազգային և ավանդական արժեքները բարձր պահող անհատներ: