Յուրաքանչյուր մարդու դաստիարակությունը, իհարկե, սկսվում է իր ընտանիքից, սակայն ինչպես դաստիարակությունը, այնպես էլ կրթությունն ավելի լիարժեք և բազմակողմանի է դառնում սկսած նախադպրոցական հաստատություն հաճախելուց։ Նախադպրոցական հաստատությունում երեխայի կրթության և դաստիարակության գործում մեծ դեր է խաղում դաստիարակը։ Հենց մանկապարտեզում երեխայի մեջ սկսում են ձևավորվել անհատական վարքագիծը, նրա բնավորության գծերը և շրջապատին հեշտ ինտեգրվելու կարողությունները։ Այս տարիքից պետք է ակտիվորեն զարգացնել երեխայի ստեղծագործական միտքը, երևակայությունը, ինքնուրույնությունը, նախաձեռնողականությունը և թիմային մտածելակերպը։