Հետազոտական աշխատանքի թեմայի արդիականությունը: Հետազոտական աշխատանքի թեմայի արդիականությունը պայմանավորված է այն հանգամանքով, որ նախադպրոցական կրթության ոլորտում վերջին տարիներին տեղ գտած բովանդակային փոփոխությունների գլխավոր կրողը և իրագործողը՝ հանդիսանում է ՆՈՒՀ մանկավարժական աշխատողը։ Նախադպրոցական կրթության պետական կրթական չափորոշչով սահմանված առանցքային կարողունակությունների զարգացման, վերջնարդյունքների ապահովման ողջ պատասխանատվությունը կրում է ՆՈՒՀ մանկավարժական աշխատողը՝ ուսումնադաստիարակչական աշխատանքների պլանավորման, իրականացման, վերլուծության, գնահատման իրականացման միջոցով։