Մանկապարտեզը համարվում է երեխաների դաստիարակության, կրթության զարգացման հիմնաքարը: Կրթված, տեղեկացված, զարգացած, բարոյահոգեբանական հատկանիշներով օժտված սերունդ ունենալու համար հարկավոր է ամուր պահել դաստիարակ-սան-ծնող կապը: 21-րդ դարի երեխաները բավականին տեղեկացված գալիս են մանկապարտեզ, և դաստիարակի խնդիրն է դասն ավելի յուրահատուկ, հետաքրքիր ու բովանդակալից դարձնել: Նախադպրոցական տարիքը անհատականության ձևավորման կարևորոգույն շրջանն է։ Ձևավորվում են պատկերացումները մարդու, հասարակության, կուլտուրայի, բնության մասին։ Այն իրականացվում է կրթադաստիարակչական գործունեության միջոցով, որտեղ իր ուրույն տեղն ունի մանկապարտեզը։ Նախադպրոցական տարիքի յուրաքանչյուր երեխա հետաքրքրասեր և անհագ է իրեն շրջապատող աշխարհի նկատմամբ և սպունգի պես կլանում է գիտելիքները։