Թեմայի արդականությունը: Հայրենասիրությունը սկսվում է հայրենաճանաչողությունից: Հայրենասեր սերունդ դաստիարակելը այսօրվա կարևորագույն խնդիրներից մեկն է: Դեռևս նախադպրոցական տարիքից երեխաներին պետք է հաղորդակից դարձնել հայ ժողովրդի հարուստ մշակույթին, պատմությանը և հերոսական անցյալին: Պետք է երեխաների մեջ հետաքրքրություն և ազգային հպարտության զգացում արթնացնել սեփական երկրի և ժողովրդի նկատմամբ: Հայրենաճանաչողության արժեքային համակարգի ձևավորումը դրվում է ընտանիքում և մանկապարտեզում: Հայրենասիրական դաստիարակությունը պետք է սկսվի հայրենի քաղաքի, բակի, մանկապարտեզի հանդեպ սիրուց: Հայրենասեր սերունդ դաստիարակելը նախադպրոցական ուսումնական հաստատության խնդիրներից է: