Հայրենասիրությունը սկսվում է հայրենաճանաչողությունից և հայրենասեր սերունդ դաստիարակելը այսօրվա կարևորագույն խնդիրներից է։ Հայրենիքը դա մեր պապերի ու նախապապերի ստեղծած երկիրն է։ Մեր հայրենիքն աշխարհի հնագույն երկրներից մեկն է։ Մեզանից յուրաքանչյուրի համար հայրենիքը սկսվում է մեր տնից, բակից, քաղաքից և ամբողջանում Հայաստան անվան մեջ։ Բացի Հայաստանից շատ ուրիշ պետություններ էլ կան, սակայն մարդը մեկ մայր ունի, մեկն է նաև հայրենիքը։