«Ներառական կրթություն» եզրույթը սահմանվում է «ներառում» բառով, որը փոխառված է ֆրանսերեն լեզվից։ Լատիներենից այն թարգմանվում է որպես «ներգրավում եմ», «ընդգրկում եմ»։ Այսպիսով, եզրութաբանորեն ներառական կրթություն նշանակում է կրթություն, որի դեպքում կրթության առանձնահատուկ պայմանների կարիք ունեցող, երեխաները «ընդգրկվում» են զանգվածային կրթական կազմակերպության մեջ։ [1]

Մեր օրերում հաճախ է խոսվում ներառական կրթության, կրթության և զարգացման առանձնահատուկ պայմանների կարիք ունեցող երեխաների և նրանց հիմնախնդիրների մասին, որ թվում է, թե ամեն ինչ ասված է։ Սակայն, ամեն անգամ յուրաքանչյուր երեխայի հետ հանդիպումից հետո հարց է ծագում՝ ինչ գիտենք հենց այս երեխայի, նրա ներաշխարհի, հույզերի, կրթության և զարգացման առանձնահատուկ պայմանների մասին, որոնց կարիքը նա ունի, և վերջապես, ինչպիսին է նա՝ կրթության և զարգացման առանձնահատուկ պայմանների կարիք ունեցող երեխան։

[1] Ներառական կրթություն.Ուսումնամեթոդական ձեռնարկ.-Երևան:2017.146էջ: