Ժամանակակից կրթական համակարգի կարևոր խնդիրներից և արժեքային

կողմնորոշիչներից մեկն է սաների մեջ ինքնուրույնության և ստղծագործական

ունակությունների ձևավորումն ու զարգացումը: Այս որակները օգնում են անձին

հետագայում ինքնադրսևորվել կյանքի բոլոր բնագավառներում: Սովորողները այս

որակների շնորհիվ զարգացնում են իրենց ճանաչողական կարողություններն ու

հմտությունները: Նախադպրոցական տարիքի երեխաների մեջ ինքնուրույնության և

նախաձեռնողականության զարգացումը էապես կախված է մեծերից, հարազատներից և դաստիարակներից, ովքեր շրջապատում են երեխային: Մանկավարժների առջև հստակ պահանջ է դրված, սաների մեջ սերմանել ինքնուրույնությունը, նոր գիտելիքներ ստանալու և դրանք մշակելու ունակությունը, ստեղծագործական մոտեցում ցուցաբերելու հատկությունը, տարբեր աղբյուրներից ստացված գիտելիքները մշակելու, վերլուծելու և դրանք առանձնահատուկ կերպով կիրառելու ձգտումը: