Նախադպրոցական տարիքը երեխայի զարգացման ամենաազդեցիկ և ընկալունակ փուլերից մեկն է: Այս ժամանակահատվածում ձևավորվում են ոչ միայն մտավոր և ֆիզիկական կարողությունները, այլև երեխայի արժեքային համակարգի հիմքերը: Հայրենաճանաչողության ձևավորումը նախադպրոցական հասակում առանձնակի կարևորություն ունի, քանի որ հենց այս շրջանում երեխան սկսում է ճանաչել իրեն շրջապատող աշխարհը, մարդկանց, իր միջավայրը և առաջին անգամ ծանոթանում է «հայրենիք» հասկացությանը: Հայրենաճանաչողությունը ներառում է սեր և պատկառանք ծննդավայրի, երկրի, բնության, ազգային ավանդույթների և մշակույթի նկատմամբ, ինչը նպաստում է երեխայի մեջ հայրենասիրական զգացմունքների վաղ հիմքերի ձևավորմանը: