Արդի մանկավարժության մեջ երաժշտությունը նպաստելով սաների ընդհանուր զարգացմանը՝ համարվում է ապաքինող ուժ։ Այդ առումով, այն շատ օգտակար է երեխաների զարգացման, դաստիարակության և ուսուցման գործընթացում։Նախադպրոցական տարիքի երեխաների դաստիարակության գեղագիտական համակարգն այսօր էկան փոփոխությունների է ենթարկվել:Այդ փոփոխության էությունն այն է, որ շեշտադրվում է արվեստի դաստիարակչական դերը:Այսինքն` երեխաների հետ աշխատելիս անհրաժեշտ է դառնում արժևորել արվեստի զարգացնող նշանակությունը ստեղծագործ անհատի, մարդու ձևավորման գործում:Հումանիտար մանկավարժության համատեքստում երաժշտական դաստիարակությունն ուղղակիորեն միտված է մարդու հուզական ոլորտին:Այն հրաշալի միջավայր է երեխաների արժեքային կողմնորոշումների լիարժեք զարգացման և անձի ձևավորման համար: Ժամանակակից մանկավարժի մասնագիտական ինքնահաստատման հիմքում ընկած են երաժշտության դաստիարակչական դերի խորքային գիտակցումը, խաղային միջվայր ստեղծելով երեխայի վրա ներազդելը, և երժշտաթերապևտիկ հմտություններին տիրապետելը: