Երաժշտությունը, ինչպես արվեստի բոլոր ձևերը, արտացոլում են մարդու իրական կյանքը, արտահայտում նրա զգացմունքները, ապրումները, վերաբերմունքը բնության երևույթների նկատմամբ։ Այսինքն այն ամենը, ինչ կապված է մեր և մեր շրջապատի հետ։ Յուրաքանչյուր երաժշտական ստեղծագործություն ունի իր միտքը, իր ասելիքը։ Երաժշտությունը միշտ ինչ-որ բան է պատմում, կիսում է հեղինակի վերապրած զգացմունքներն ու հույզերը։ Երաժշտությունը հուզական արվեստ լինելով՝ անմիջականորեն ազդում է երեխաների վրա և ձևավորում նրանց բարոյական կերպարը։ Երբեմն երաժշտության ազդեցությունը լինում է ավելի ուժեղ, քան բազմաթիվ խրատներն ու պատիժը։