Նպատակը՝

1. Հաղորդել գիտելիքներ առողջ ապրելակերպի վերաբերյալ:
2. Ծանոթացնել ֆիզիկական զարգացման և պատրաստվածության ինքնահսկման ձևերին:
3. Ընդլայնել ժամանակակից օլիմպիական խաղերին հայ մարզիկների մասնակցության մասին դպրոցականների գիտելիքները:
4. Ձևավորել պատկերացումներ սպորտային էթիկայի վերաբերյալ։
5. Ծանոթացնել ցածր մեկնարկային դիրքից վազքի կատարման տեխնիկային։
6. Ուսուցանել կարճ և միջին վազքի, էստաֆետային վազքի, «ոտքերը կծկված» եղանակով հեռացատկի, «քայլանցում» եղանակով բարձրացատկի կատարման տեխնիկան։
7. Ամրապնդել գնդակների նետման տեխնիկական։
8. Մշակել արագաշարժության, դիմացկայունության, ցատկունակության, ուժի շարժողական կարողունակություններ։
9. Դաստիարակել բարոյակամային հատկանիշներ, համարձակություն, վճռականություն, նպատակասլացություն։
10. Ուսուցանել վերադասավորումների, ընդհանուր զարգացնող վարժությունների, կախերի և հենումների, հենացատկերի, ակրոբատիկական վարժություների և ռիթմիկ մարմնամարզական վարժությունների տեխնիկան։
11. Մշակել շարժողական կարողունակություններ՝ ճկունություն, կոորդինացիա, ուժ, ցատկունակություն, երաժշտառիթմային շարժումներ:
12. Դաստիարակել կարգապահություն, կազմակերպվածություն, համարձակություն, վճռականություն, կամքի ուժ, ինքնուրույնություն։
13. Հետաքրքրություն առաջացնել բասկետբոլ մարզաձևի նկատմամբ։
14. Ուսուցանել բասկետբոլիստի կեցվածքով տեղաշարժերի, շարժման ընթացքում գնդակի ընդունման, վարման, փոխանցման և նետման տեխնիկային։
15. Ծանոթացնել պաշտպանողական, հարձակողական և անհատական մարտավարական գործողություններին։
16. Ուսուցանել գնդակի խլման և հետ մղման տեխնիկան։
17. Ուսուցանել մարտավարական առաջադրանքներով (2 x 1, 3 x 1, 3 x 2, 3 x 3) խաղ։
18. Մշակել շարժողական կարողունակություններ՝ արագաշարժություն, ճարպկություն, դիմացկունություն, կորդինացիա։
19. Դաստիարակել համագործակցության, նախաձեռնության հմտություններ։