Մոդուլի նպատակը սովորողներին ծանոթացնել Հայոց պետականության նորագույն շրջանի ձևավորմանը՝ ցույց տալով, թե ինչ միջազգային և ներքին պայմաններում հռչակվեց Հայաստանի Առաջին Հանրապետությունը, ինչպես կազմակերպվեց պետականաշինությունը և ինչ մարտահրավերների բախվեց նորաստեղծ պետությունը։ Մոդուլը միաժամանակ զարգացնում է պատմական մտածողությունը, պետությունը որպես համակարգ ընկալելու կարողությունը և ժողովրդավարական-քաղաքացիական գիտակցությունը՝ օգնելով սովորողներին հասկանալ անցյալի փորձի նշանակությունը ներկայի ու ապագայի համար։