Նպատակը՝

1. Ստեղծագործություններում ուսումնասիրել գաղափարական հարցադրումները, դրանք դիտարկել նաև կոնֆլիկտների և լուծումների տեսանկյունից։

2. Ուսումնասիրվող գրական երկերում ցույց տալ կրթության, հավատի և արժեհամակարգի կապը՝ դրանք դիտարկելով գրողի կենսագրության, ապրած ժամանակահատվածի և միջավայրի համատեքստում, ինչպես նաև դրանցից դուրս՝ հիմնավորելով կապը արդի խնդիրների հետ։

3. Ձևավորել և զարգացնել արդարացի հանդուրժողականություն կրթության, հավատի, արժեքային համակարգի, աշխարհայացքի տարբերություններ ունեցող մարդկանց կամ սոցիալական խմբերի նկատմամբ։

4. Բանավոր և գրավոր խոսքով արտահայտել հիմնավորված տեսակետներ:

5. Ուսումնասիրել գրական երկերի տեքստերում կիրառված ոճական հնարները և դրանց ազդեցությունը ընթերցողի վրա։

6. Արժևորել գրականության դերը անհատի ինքնաճանաչման, հասարակության հետ հարաբերություններ կառուցելու գործում։

7. Մեկնաբանել գրականության միջոցով ընթերցողին փոխանցվող հույզերը, կյանքի և բնության գեղագիտությունը։

8.Դիտարկել գեղեցիկի ընկալումը ժամանակի և տարածությանմեջ՝ հիմնավորելով ուսումնասիրվող ստեղծագործություններից ընտրված հատվածներով։

9. Արժևորել նկարագրությունների դերը գրական երկում՝ որպես գաղափարի փոխանցման միջոց։

10. Ըմբռնել գրականությունը՝ որպես արվեստ, արժևորել երևակայության և ստեղծարարության դերը գրական երկերի ստեղծման, ընթերցողի աշխարհայացք, արժեհամակարգ և գեղագիտական ճաշակձ ևավորելու գործում։

11. Ըմբռնել լեզվի դերը գրականության և արվեստի ոլորտներում գաղափար փոխանցելու հարցում։

12. Ուսումնասիրել գրական երկերում կիրառված ոճական հնարների բազմազանությունը և դրա ազդեցությունը ընթերցողի զգացմունքների և բանականության վրա։

13․. Քննարկել մարդու՝ որպես իր երկրի քաղաքացու իրավունքների ու պարտականու-թյունների խնդիրը, պետության դերը անհատի կենսագործունեության հարցում։

14. Բացահայտել պատմական ժամանակաշրջանի, երկրի քաղաքական իրավիճակի և անհատի ճակատագրի կապը. ցույց տալ դրանց պատկերումը գրական երկերում։

15. Դիտարկել ուժի (հոգևոր, ֆիզիկական, մտքի, կամքի և այլն) և իշխանության բազմազան ձևերի ազդեցությունը անհատի կյանքի և հոգեբանության վրա և դրանց արծարծումը գրականության մեջ, տարբերի ժանրերի երկերում:

16. Դիտարկել երկրի և ժողովրդի գոյության մարտահրավերները և հանուն արդարության մղվող պայքարը ուժի գերիշխանության պայմաններում։

17. Դիտարկել արդարության սահմանափակումների, հավասարության և անհավասարության, խաղաղության և հակամարտությունների հիմնահարցերի լուծումները տեղական և համաշխարհային իրավիճակներում և դրանց արտացոլումը գրական ստեղծագործություն ներում:

18. Քննարկել մարդու, ազգի ապրելու իրավունքների պաշտպանության խնդիրը և դրա արտացոլումը գրական երկերում: