Սույն ուղեցույցը նախատեսված է մեկ տարի ժամկետով փորձաշրջանով նշանակված հանրակրթական ուսումնական հաստատությունների տնօրենների հետ աշխատող փորձաշրջանի ղեկավարների (մենթոր տնօրենների) համար։

Մենթոր տնօրենների գործունեության հիմնական ուղղությունները բխում են ՀՀ կառավարության «Հանրակրթական ուսումնական հաստատության և տարածքային մանկավարժահոգեբանական աջակցության կենտրոնի մանկավարժական և վարչատնտեսական աշխատողների պաշտոնների անվանացանկը, դրանց նկարագիրը սահմանելու մասին» 16․02․2023թ․ № 216-Ն որոշմամբ հաստատված հանրակրթական ուսումնական հաստատության տնօրենի աշխատանքային գործառույթներից և միտված են աջակցելու նրա պաշտոնային պարտականությունների պատշաճ իրականացմանը։