Մեդիագրագիտությունը՝ որպես արդյունավետ դասավանդման և ուսումնառության կարողունակություն

Մեդիագրագիտությունը տեղեկատվական աղբյուրների տեսակները տարբերելու և դրանց տրված մեծ քանակությամբ տեղեկատվությունը հասկանալու, ճիշտը կեղծից տարբերակելու

կարողությունն է, որը բարելավում է մարդկային կյանքի որակը:

Մեդիագրագետ ուսուցիչը նվազագույնի է հասցնում սովորողների վրա մեդիայի բացասական ազդեցությունները, որոնք առաջանում են ապատեղեկատվության հետևանքով։

Մեդիագրագիտությունը օգնում է ուսուցիչներին՝ ինտեգրելու մեդիագրագիտության բաղադրիչները տարբեր առարկաների ծրագրերում, անցկացնել ինտերակտիվ, գործնական ու հետաքրքիր դասեր ու նախագծեր, որոնք կօգնեն սովորողների մոտ ձևավորել մեդիա և թվային հմտություններ։

Այն իր մեջ ներառում է

• որոնման համակարգերից օգտվելու, ճիշտ և օգտակար տեղեկատվություն գտնելու կարողություն,
• մեդիա տեքստերը հասկանալու և վերլուծելու և դրանք ստեղծելու կարողություն,
• սովորողների և ուսուցիչների կողմից տեղեկատվության հասանելիություն ապահովող գործիքների պատշաճ օգտագործում,
• տեղեկատվության ազնիվ և վստահելի աղբյուրները ոչ վստահելիից տարբերելու կարողություն,
• քննադատական ​​վերլուծության և հաղորդակցման հմտությունների զարգացում
• չափորոշչային երեք բաղադրիչների՝ գիտելիքի, կարողությունների ու հմտությունների զարգացում, որոնք էլ ձևավորում են արժեհամակարգ։

ԿԶՆԱԿ հիմնադրամի կրթական նորարարությունների բաժին