Համընդհանուր ներառական կրթության շրջանակներում յուրաքանչյուր երեխա հնարավորություն ունի իր համայնքի նախադպրոցական ուսումնական հաստատությունում ստանալ կրթություն և մանկավարժահոգեբանական աջակցության ծառայություններ: Տարածքային մանկավարժահոգեբանական աջակցության կենտրոնի մասնագետներն իրականացնում են նախադպրոցական տարիքի երեխայի կրթության և զարգացման առանձնահատուկ պայմանների կարիքի գնահատում, որի հիմա վրա երեխայի համար մշակվում է Անհատական ուսուցման և զարգացման պլանը: Մանկավարժահոգեբանական աջակցություն է տրամադրվում երեխաներին, նրանց ծնողներին և մանկավարժներին տվյալ տարածքում գործող տարածքային մանկավարժահոգեբանական աջակցության կենտրոնի մասնագետների կողմից Նախադպրոցական տարիքում երեխայի զարգացման համար ընտանիքի դերը շատ կարևոր է:

Նախադպրոցական տարիքի՝ կրթության և զարգացման առանձնահատուկ պայմանների կարիք ունեցող երեխան ուսումնասիրվող համակարգի ամբողջովին կենսագործման արդյունքում կկարողանա վաղ տարիքից ընգրկվել կրթության մեջ, վաղ հայտնաբերել հանդիպող դժվարությունները, իրականացնել միջոցառումներ դրանց հաղթահարման ուղղությամբ:

Համակարգի ներդրման արդյունքը լինելու է հետևյալը. կստեղծվեն նախադպրոցական կրթության մատչելիության ապահովման նախադրյալներ, կընդլայնվեն կրթության և զարգացման առանձնահատուկ պայմանների կարիք ունեցող երեխաների վաղ զարգացման հնարավորությունները:

Թեման արդիական է նախ քանի որ դեռ գտնվում է իրականացման ընթացքում: Արդիական է նաև այն պատճառով, որ ոլորտում առկա են բազում խնդիրներ և միայն համալիր մոտեցման դեպքում է հնարավոր հասնել դրանց արդյունավետ լուծման: