« Մակբայ» թեման ուսուցանվում է ինչպես հանրակրթական 8-րդ դասարանում, այնպես էլ ավագ դպրոցում: Հայտնի է, որ մակբայը հիմնականում լրացնում է բային և նախադասության մեջ ձևավորում է պարագա: Պարագա ձևավորվում է նաև գոյականի տարբեր հոլովներով, դերանուններով, դերբայներով, կապային կառույցներով, որոնք հաճախ շփոթ են ստեղծում նախադասության մեջ, և սովորողները չեն տարբերում մակբայը այլ խոսքի մասերից: Հետազոտության մեջ առաջադրել ենք մեթոդներ այդ շփոթը վերացնելու համար: Սրանով է պայմանավորված թեմայի ընտրությունը և հետազոտության արդիականությունը: