«Հնդկաստանի ժողովրդի ավանդույթներն ու սովորույթները»

նախագիծը հնարավորություն է ստեղծում փոխկապակցել ուսումնական որոշ առարկաներ՝ նպատակ ունենալով խթանել սովորողների մտավոր և հոգևոր ներուժի բացահայտումն ու հարստացումը,ինչպես նաև աջակցել նրանց համապարփակ աշխարհայացքի ձևավորմանը: Նախագիծը հնարավորություն է ընձեռում սովորողին ընկալելու մեկը մյուսի աշխատանքը, օգնելու, օժանդակելու, համագործակցելու կարողությունների ձևավորմանը և զարգացմանը, ինչպես նաև ինքնուրույնության, ինքնադրսևորվելու, ստեղծագործաբար աշխատելու հմտությունների զարգացմանը, որոնք կարևորվում են Հանրակրթության պետական չափորոշչում (ՀՊՉ)։
Այս գործընթացն իրականացնելու համար պատրաստվելու են տեսանյութ և սահիկաշարեր, որտեղ զետեղվելու են Հնդկաստանի մշակույթի նշանավոր դրվագները, ավանդական տոների (Դիվալի, Հոլի) նկարագրությունները: