Նպատակ՝

Սույն ուսումնական նախագիծը նպատակ է հետապնդում՝

ա/ հասնել առարկայական ծրագրի վերոնշյալ թեմայի նպատակներին

բ/ապահովել թեմայի ուսուցման վերջնարդյունքները, որոնք ամրագրված են առարկայական ծրագրում

գ/ սովորողների մեջ հետաքրքրություն առաջացնել առարկայի նկատմամբ

դ/ ձևավորել հետազոտելու, համագործակցելու, հետևություններ անելու, միջանձնային հաղորդակցության և այլ հմտություններ

ե/ արևմտահայերենի և արևելահայերենի հնչյունական, բառապաշարային, քերականական, ոճական ընդհանրությունների և տարբերությունների գիտակցում

զ/ գրական երկը զանազան արտահայտչամիջոցներով վերածել բեմագրի՝ պատմողական սեռի գրվածքի բովանդակությունն ու հիմնական գաղափարը պահպանելով դրամատիկական երկում

է/ երկխոսությունների և մենախոսությունների միջոցով ներկայացնել նորավեպի գաղափարական բովանդակությունը՝ հնարավորինս պահպանելով արևմտահայերեն գրական լեզվի հնչույթը, հերոսների նկարագիրը, ժամանակաշրջանի կոլորիտը

Կարճ նկարագիր՝

´Սովորողները նախ և առաջ ընթերցեցին «Զաբուղոն» նորավեպը և ուսուցչի օգնությամբ բացահայտեցին լեզվաոճական, ժանրային, բովանդակային, դիպաշարային, գաղափարական առանձնահատկությունները:

´Այնուհետև կազմեցին բեմագիր՝ ներմուծելով կերպարների երկխոսություններ, մենախոսություններ, թատերգությանը բնորոշ պատկերներ՝ հետևելով նաև տեսարանների կոլորիտային առանձնահատկություններին:

• Բեմագիրը կազմելիս հաշվի առան գրական տեսակին բնորոշ բոլոր առանձնահատկությունները
• Կատարեցին դերաբաշխում, անգիր սովորեցին համապատասխան գրվածքներ:
• Կազմակերպեցին հանդիպում ռեժիսորի և դերասանների հետ, կատարեցին ռեժիսորական տարաբնույթ աշխատանքներ՝ հայթայթելով նաև բեմական անհրաժեշտ պարագաներ և հագուստ:
• Կազմակերպեցին ներկայացման փորձեր:
• Բեմադրեցին ներկայացումը:

Սպասվող արդյունքներ/Կարողունակություններ՝

• Սովորել սովորելու կարողունակություն
• Ինքնաճանաչողական և սոցիալական կարողունակություն
• Լեզվական գրագիտություն և կարողունակություն
• Մշակութային կարողունակություն

*Թվային և մեդիա կարողունակություն

*Թիմային համագործակցություն և ինքնակազմակերպում

*Ժողովրդավարական ու քաղաքացիական կարողունակություն

Նախագծի վերջնարդյունքները՝

Ներկայացնել նախագծի վերջնարդյունքները, որոնք բխում են առարկայական ծրագրից և ՀՊՉ-ից։

Սովորողը կարողանում է՝

• Վերարտադրել գրական երկի բովանդակությունը, դիպաշարը:
• Ներկայացնել գրական երկում արծարծվող հիմնահարցերը. մատնանշել հասարակության սահմանած օրենքների ու կարծրատիպերի կործանարար ազդեցությունը անհատի հոգեբանության և ճակատագրի վրա:
• Հիմնավորել գրական երկի արդիականությունը, մեկնաբանել ստեղծագործության նշանակությունը և ասելիքը:
• Ցույց տալ և բացատրել գրական կերպարի հոգեբանական զարգացումը, ներքին և արտաքին կոնֆլիկտները, կոնֆլիկտի լուծումը:
• Բացատրել՝ ինչպես է գրողը ներկայացնում տվյալ ժամանակաշրջանը, միջավայրը, ինչպես է կերտում կերպար:
• Բացատրել լեզվի դերը պատկեր, կերպար, միջավայր ստեղծելու, հույզեր փոխանցելու հարցում:
• Մեկնաբանել ստեղծագործությունները՝ ելնելով ժանրային առանձնահատկություններից, ցույց տալ այլ ժանրի բնորոշ տարրերի ներթափանցումը տվյալ ստեղծագործության մեջ՝ օրինակներով հիմնավորելով տեսակետը:
• Համագործակցելով և ինքնուրույնաբար մշակել և իրականացնել նախագծեր՝ ձեռք բերած գիտելիքը կամ կարողությունը ներկայացնելով տարբեր միջոցներով, վերլուծել սեփական աշխատանքի ընթացքը և արդյունքը:
• Գնահատել հայ և համաշխարհային գրականության ընտիր նմուշների իմացությունը որպես սեփական անձի ձևավորման և ինքնաճանաչման, ազգային մշակութային արժեքների գնահատման կարևոր պայման:

Աշխատանքների ժամանակացույց՝ հունվար 28- ապրիլ 10

Պատասխանատուներ Տաթև Աղաբեկյան, Էդգար Ջումայան, Տիգրան Պապոյան, Մերի Ավագյան, Ալբինա Հովաննեսյան,Ինգա Սայադյան, Մանե Մելքոնյան

https://www.youtube.com/watch?v=nLJmgbUmrBM&t=6s

https://www.youtube.com/shorts/9yixF_btrwE