«Հայկական ազգանունների ծագումն ու ստուգաբանությունը»

Ուսումնական նախագիծը իրականացվում է խմբային աշխատանքի ձևաչափով՝ խթանելով սովորողների համագործակցային, լեզվաբանական և ստեղծագործական հմտությունները։

Սովորողները բաժանվում են խմբերի՝ ըստ հետաքրքրությունների կամ ուժեղ կողմերի (լեզվաբանություն, ստեղծագործ խումբը, մուլտիմեդիա, ներկայացում և այլն)։ Յուրաքանչյուր խումբ ստանում է կոնկրետ առաջադրանք և պատասխանատվություն նախագծի իրականացման տարբեր փուլերում։ Խմբերն աշխատում են միասին՝

• հավաքելով և վերլուծելով տեղեկատվություն ազգանունների մասին,
• համեմատելով դրանք ըստ կառուցվածքի, գործառույթի և կիրառության,
• պատրաստելով տեսական և կիրառական նյութեր։

Յուրաքանչյուր խումբ մշակում է իր մասնագիտացված պրոդուկտը, օրինակ՝

• «Լեզվաբաններ» խումբը պատրաստում է համեմատական աղյուսակներ և տեսական նյութ,
• «Ստեղծագործ խումբը» պատրաստում են պաստառներ, թեմատիկ բացիկներ, պատկերազարդ ստուգաբանական բառարան , խաղեր
• «Մեդիա խումբը» աշխատում է QR առաջադրանքների վրա,
• «Ներկայացման խումբը» պատրաստում է սահիկաշար և կազմակերպում է ամբողջ նախագծի ցուցադրությունը։

Խմբերը համագործակցում են միմյանց հետ, կիսվում են արդյունքներով և միասին կազմում համապարփակ վերջնական նախագիծը։ Աշակերտներն ունեն հնարավորություն փոխանակվելու գաղափարներով, զարգացնելու խոսքի մշակույթը, պատասխանատվության զգացումը և ստեղծագործական մոտեցումը։

Նախագիծը ամփոփվում է բոլոր խմբերի կողմից համատեղ ներկայացմամբ՝ որտեղ ցուցադրվում են ստեղծված ուսուցողական նյութերը, տեսանյութը, խաղերը և մնացած արդյունքները։