Սույն հետազոտական աշխատանքը նվիրված է մանկավարժ–ծնող համագործակցության դերի ուսումնասիրմանը սաների կրթական կարիքների և ընտանեկան դաստիարակության կազմակերպման գործընթացում։ Աշխատանքի շրջանակում ներկայացված են ընտանիք–կրթական հաստատություն համագործակցության տեսական հիմքերը, միջազգային փորձի վերլուծությունը և գործնական հետազոտության արդյունքները։ Հետազոտությունը հիմնավորվում է ժամանակակից մանկավարժական մոտեցումներով և կիրառական գործիքներով՝ նպատակ ունենալով նպաստել ծնողների գիտակցված ներգրավվածության բարձրացմանը, կրթական գործընթացի անհատականացմանը և սաների համակողմանի զարգացման արդյունավետ կազմակերպմանը։