Ժամանակակից կրթական համակարգում մեծ կարևորություն է տրվում երեխայի անձնավորության համակողմանի զարգացմանը, որի հիմքերը դրվում են հենց նախադպրոցական տարիքում։ Այս փուլում առանձնահատուկ նշանակություն ունեն երեխայի նախաձեռնողականության, ինքնուրույնության և ստեղծագործական ունակությունների զարգացումը, քանի որ դրանք պայմանավորում են նրա հետագա ուսումնական գործունեության արդյունավետությունը, սոցիալական ադապտացիան և ինքնիրացման կարողությունը։ Նշված որակները նպաստում են երեխայի ակտիվ մասնակցությանը կրթական գործընթացին, ինքնավստահության ձևավորմանը և սեփական ներուժի բացահայտմանը։

Աշխատանքում ուսումնասիրել ենք հետևյալ խնդիրները՝

➢ ուսումնասիրել նախադպրոցական տարիքի երեխաների նախաձեռնողականության, ինքնուրույնության և ստեղծագործական ունակությունների զարգացման տեսական հիմքերը,

➢ բացահայտել խաղի դերն ու նշանակությունը երեխայի անձնավորության զարգացման գործընթացում,

➢ ուսումնասիրել խաղային գործունեության միջոցով նախաձեռնողականության և ինքնուրույնության ձևավորման հնարավորությունները,

➢ ներկայացնել խաղային մեթոդներն ու մանկավարժական պայմանները, որոնք նպաստում են ստեղծագործական ունակությունների զարգացմանը։