Աշխարհի բազմաթիվ երկրներում երեխաները ենթարկվում են տարբեր տեսակի բռնությունների, անտեսման և խտրական վերաբերմունքի, ինչի հետևանքով ոտնահարվում են նրանց հիմնական իրավունքներն ու մարդկային արժանապատվությունը։ Երեխաները, համեմատած մեծահասակների հետ, առավել խոցելի են կյանքի անբարենպաստ պայմանների նկատմամբ, ինչպիսիք են աղքատությունը, բնակության անբավարար պայմանները, առողջապահական խնդիրները, թերսնուցումը, ինչպես նաև շրջակա միջավայրի աղտոտվածությունը։ Այս բոլոր գործոնները բացասաբար են անդրադառնում երեխայի ֆիզիկական, հոգեկան և սոցիալական զարգացման վրա։