Հարգելի՛ սովորող,

Այս ուսումնական տարում Հայաստանի պատմության շրջանակում դու կսովորես յոթ թեմա։ Յուրաքանչյուր թեմա ներառում է մի քանի բաժին, որոնք կօգնեն քեզ ոչ միայն ձեռք բերել նոր գիտելիքներ, այլև զարգացնել պատմական մտածողություն, ձևավորել տարբեր կարողություններ և ամրապնդել քո արժեհամակարգը։ Ստորև ներկայացված է յուրաքանչյուր թեմայի բաժինների նկարագրությունը և դրանց հիմնական նպատակները։

Նպատակն է սովորողներին ծանոթացնել Հայկական լեռնաշխարհում ձևավորված հնագույն պետականություններին, դրանց զարգացման փուլերին և մարտահրավերներին՝ զարգացնելով նրանց պատմական մտածողությունը, վերլուծական և հետազոտական հմտությունները։ Մոդուլը միտված է ոչ միայն գիտելիքի հաղորդմանը, այլև քննադատական ու ստեղծարար մտածողության խթանմանը։