Նպատակը՝

• Նպաստել ձևավորող գնահատման՝ իբրև գնահատման կարևորագույն տեսակի արժևորմանը, ուսումնառության ողջ ընթացքի վրա նրա ունեցած ազդեցության ընկալմանը։
• Աջակցել ուսուցչին ձևավորող գնահատման բաղադրիչների ընտրության հարցում՝ ցույց տալով դրանց գործնական կիրառության դրսևորումներ։
• Ներկայացնել ձևավորող գնահատման մի շարք գործիքներ, ցույց տալ դրանց կիրառությունները՝ կոնկրետ թեմայի ուսուցման շրջանակներում կիրառվող մեթոդական հնարների, տրվող առաջադրանքների հետ համադրելով։

Ուղեցույցին ծանոթանալուց հետո՝

• Ուսուցիչը կկարևորի ձևավորող գնահատումը՝ որպես ուսումնական գործընթացի առանցքային բաղադրիչ, որի շնորհիվ բարելավվում է ուսումնառության գործընթացը։
• Կծանոթանա ձևավորող գնահատման մի շարք գործիքների, գործնականում կկիրառի դրանք, դրանց հիմքի վրա կամ դրանց նմանությամբ կստեղծի այլ գործիքներ՝ համապատասխանեցնելով իր նպատակներին ու դասի կառուցվածքին։

• Յուրաքանչյուր դասի համար կընտրի և արդյունավետորեն կկիրառի ձևավորող գնահատման հարմար բաղադրիչ՝ ելնելով թեմայի նպատակներից, վերջնարդյունքներից, ընտրված մեթոդներից, առաջադրանքներից և սովորողների ձեռքբերումներից կամ բացթողումներից։
• Տեղայնացնելով կհամադրի առաջարկվող մեթոդները, հնարները, առաջադրանքները իր դասավանդմանը։