Նախագծի թեմա՝ « Հայկական խոհանոցի համը, ավանդույթները և պահպանումը»:

Դպրոց ՝ Գյումրու տնտեսագիտական վարժարան

նախագծի ղեկավար՝ Արմենուհի Սերոբյան

Ուսումնական նախագծի ընթացքում ուսումնասիրվեց հայկական հարուստ և շքեղ խոհանոցը ,ավանդույթներն ու յուրօրինակ համային առանձնահատկությունները մշակույթի կոնտեքստում : Ազգային խոհանոցը մշակույթը բնութագրող ամենագունեղ տարրն է:: Ժողովրդի կենցաղավարման բոլոր ավանդույթները, ինչպես նաև բնաշխարհի բոլոր բարիքները մեկտեղվում են ազգային խոհանոցում: Միայն հայերն են, որ իրենց դիցարանում ունեցել են հյուրասիրության և հյուրընկալության աստաված՝ Վանատուրը: Ինչպես հնչեց սովորողների շուրթերից. « Խոհանոցը և ուտեստները միայն ափսեի պարունակությունը չեն , այլ դրանք մշակույթ են և պատմություն»: Նախագծի ուսումնասիրության առանցքային հարցերն էին.

• Հայկական խոհանոցի առանձնահատկությունները :
• Հայկական հուրընկալությունը, ընտանեկան և ազգային տոնակատարությունները խոհանոցային մշակույթի պահպանման գործոն:
• Ինչպես է խոհանոցը արտացոլվել հայկական մշակույթում (ֆիլմեր, երգեր, գրական ստեղծագործություններ):
• Ինչպես է աշխարհագրական դիրքը ազդել հայկական խոհանոցի զարգացման վրա:
• Ինչպես են պատմական իրողությունները նպաստել հայկական խոհանոցի տարածմանը:

Նախագծի վերջնարդյունքում ստեղծվեց հայկական ուտեստների բաղադրատոմսերի հայերեն և անգլերեն բուկլետ , տեսահոլովակ , որտեղ նախագծի մասնակիցները ոչ միայն ցուցադրում են ուտեստների պատրաստումը, այլ նաև հանդես են գալիս առաջարկություններով՝ ինչպես պահպանել հայկական խոհանոցի համը և ավանդույթները.:

Նախագծային աշխատանքը գնահատվեց ոչ միայն միավորային ՝ ֆորմալ , այլ նաև ոչ ֆորմալ ձևաչափով: Ոչ ֆորմալ գնահատման արդյունքում պարզ դարձավ, թե ինչ կարողունակություններ են սովորողները զարգացրել նախագծի ընթացքում: Ընտրվել էլ պատկերային գնահատման մեթոդը: