Հետազոտական աշխատանքը բաղկացած է ներածությունից, երկու գլուխներից, եզրակացությունից և օգտագործված գրականության ցանկից։ Առաջին գլխում անդրադարձել եմ հեքիաթների միջոցով նախադպրոցական երեխաների խոսքային և հնչյունային կուլտուրայի զարգացման խնդիրներին։ Երկրորդ գլխում կատարել եմ բուն հետազոտական աշխատանքը, իսկ եզրափակիչ հատվածում նշել եմ հետազոտական աշխատանքից ստացված արդյունքները։

Հետազոտության արդիականությունը – Հեքիաթների ուսուցումը արդիական է եղել բոլոր ժամանակներում։ Նախադպրոցականի կյանքում հեքիաթը անփոխարինելի դեր ունի, քանի որ հեքիաթի միջոցով են երեխաները ծանոթանում աշխարհին։ Գոյություն ունի հեքիաթաթերապիա, որի կիրառման բնագավառը շատ լայն է ու կարելի է օգտագործել տարբեր նպատակներով։ Որպես նախադպրոցական մանկավարժ կարող եմ նշել, որ իմ գործունեության ընթացքում բազմիցս օգտագործել եմ հեքիաթաթերապիան որն ունեցել է իր դրական արդյունքը։