Որեւէ երկրի պատմությանը կամ մշակույթին ծանոթանալու համար բավական է ծանոթանալ տվյալ երկրի ազգային տոներին եւ ծեսերին: Հայ ազգի մշակույթը, ազգային արժեքները չէին պահպանվի, եթե այդ տոները, ծեսերը, սուրբ մասունքի պես չպահպանվեր եւ չփոխանցվեր սերնդեսերունդ: Երեխան պետք է մեծանա այն միջավայրում, որտեղ շատ է խոսվում ազգայինի, ավանդականի մասին, պետք է տեսնի ինչպես են ընտանիքում նշում այս կամ այն ազգային տոնը, ինչպես են ուրախանում, ինչ խորհուրդ ունի իր մեջ, այսինքն երեխան պետք է կրթվի, դաստիարակվի այդ միջավայրում: