Բնության նկատմամբ դրական վերաբերմունքն այսօր համամարդկային և համաշխարհային հիմնահարցերից մեկն է, քանի որ վտանգված է մեր «տունը»՝ Երկիր մոլորակի գոյությունը։

Հնդկացի առաջնորդի խոսքերն առավել քան պատկերավոր են ներկայացնում վերահաս վտանգը. «Երբ կկտրվի վերջին ծառը, երբ կթունավորվի վերջին գետը, երբ կսպանվի վերջին թռչունը, այդժամ Դուք կհասկանաք, որ փողը հնարավոր չէ ուտել»։

Այս խոսքերը հուժկու ազդակ են էկոլոգիական և բնապահպանական աղետի շեմին կանգնած բոլոր արարածների համար՝ ի դեմս Մարդու, որի բանականությունն ու գործողությունները այսօր պետք է նպատակաուղղված լինեն մեր ընդհանուր «տունը» փրկելու գործին։