Նախադպրոցական հիմնարկներում երեխաների երաժշտական դաստիարակության և ուսուցման հիմնական ձևը հանդիսանում է երաժշտական պարապմունքը: Այդ ընթացքում երեխաները ձեռք են բերում երաժշտության ունկնդրման, երգեցողության, երաժշտառիթմական շարժումների, մանկական նվագարաններով նվագելու գիտելիքներ, ունակություններ և հմտություններ: Գիտելիքների նպատակուղղված ուսուցման շնորհիվ խորացվում և ընդլայնվում է նրանց երաժշտական աշխարհայացքը, ձևավորվում են ստեղծագործական ընդունակություններ: Երաժշտական պարապմունքները կարևոր դեր են խաղում երեխաների կամքի,ուշադրության, հիշողության զարգացման համար, օժադակում դպրոցական ուսուցման նախապատրաստմանը: Դրանցում իրականացվում է յուրաքանչյուր երեխայի պլանավորված ուուցումը՝ միաժամանակ հաշվի առնելով ամեն մեկի անհատական առանձնահատկությունները: