«Ֆուտբոլ» խմբակի ծրագիր: Ծրագրում առանձնացված են ֆուտբոլի պարապմունքների տարբեր տեսակներ, որոնք համապատասխանում են սովորողների նախասիրություններին, հետաքրքրություններին ու պահանջմունքներին: Խմբակի ստեղծումը և հետագա գործունեությունը միտված է ֆիզիկական կուլտուրայի, սպորտի և առողջ ապրելակերպի խթանմանն ու զարգացմանը, ֆուտբոլի զարգացմանը համայնքում, հեռանկարային մարզիկներ ի հայտ բերելուն: Խմբակը կօգնի թիմային խաղի միջոցով հարստացնել և ամրապնդել ֆիզկուլտուրայից ստացած գործնական գիտելիքները, կնպաստի ուսումնական հաստատությունում ֆուտբոլի դպրոցական թիմի ստեղծմանը, որը կմասնակցի դպրոցականների քաղաքային, մարզային և հանրապետական առաջնություններին, տաղանդաշատ երեխաների հայտնաբերմանը և ֆուտբոլային ակումբներում ընդգրկմանը:

Ծրագրի ղեկավար՝ Վալերիկ Կակոսյան