«Մաթեմատիկա» խմբակի ծրագիր: Պարապմունքները կազմակերպվելու են ինտերակտիվ մեթոդով, որի ընթացքում սովորողները ակտիվորեն ներգրավվելու են ինչպես տեսական նյութի յուրացման այնպես էլ խնդիրների քննարկման փուլում։ Խմբակի վարման ընթացքում սովորողներին տրամադրվելու է տեսական նյութ յուրաքանչյուր թեմայի վերաբերյալ, որը ներառելու է խնդիրներ, որոնք նպաստում են նյութի ամրապանդմանը։ Խնդիրների մի մասը անմիջականորեն ուղղված է տվյալ նյութի յուրացմանը և սովորողի մոտ տվյալ հմտության զարգացմանը, իսկ մյուս մասը ներառելու է տվյալ թեմային վերաբերող այնպիսի խնդիրներ, որոնք տեղ են գտել զանազան օլիմպիադաներում։