«Սպորտլանդիան տարրական դպրոցում» խմբակի ծրագիր: Երեխաների ֆիզիկական դաստիարակությունը հանդիսանում է դպրոցի ուսումնադաստիարակչական աշխատանքների անբաժանելի մասը։ Այն ուսուցման և դաստիարակության միասնական գործընթաց է, որը նպատակաուղղված է երեխաների առողջության ամրապնդմանը և համակողմանի ներդաշնակ զարգացմանը։ Կրտսեր դպրոցում խիստ կարևոր է շարժախաղերի միջոցով երեխաների առողջության ամրապնդումը և ճիշտ կեցվածքի ձևավորումը, այդ պատճառով դրանք հանդիսանում են կրտսեր դպրոցի երեխաների ֆիզիկական դաստիարակության կարևոր միջոցներից մեկը։