«Գեղարվեստական խոսքի և ստեղծագործական մտածողության զարգացում» խմբակների անհրաժեշտությունն առաջացել է` հաշվի առնելով սովորողների առաջարկությունները, հանրակրթության պետական չափորոշչով սահմանված առաջնահերթությունները: Խմբակը կօգնի, որ առավել նպատակային կազմակերպվի սովորողների արտադասարանական ուսումնառությունն ու ժամանցը, նրանք կկարողանան ձեռք բերել նոր նախասիրություններ, հետաքրքրություններ: Խմբակի օգնությամբ սովորողները կունենան հասակակիցների հետ շփման, հաղորդակցման լայն հնարավորություն, կսոցիալականացվեն, կդառնան առավել ինքնուրույն, նախաձեռնող, կձևավորվի և կզարգանա նրանց` գեղեցիկ խոսք կառուցելու կարողությունը, ստեղծագործական և պատկերավոր մտածողությունը: