«Հետաքրքրաշարժ ֆիզիկա» խմբակը համարվում է արտադասարանական գործունեության կարևոր տեսակներից մեկը: «Հետաքրքրաշարժ ֆիզիկա» խբակի պարապմունքները նպաստում են սովորողների՝ բնության մեջ տեղի ունեցող երևույթների միջև եղած կապերը արտահայտող օրենքների իմացության զարգացմանը , Տիեզերքում և առօրյա կյանքում մարդու գործունեության տարբեր բնագավառներում դիտվող զարմանահրաշ երևույթների մեկնաբանմանը գիտական լեզվով և առարկայի դասավանդման ընթացքում ձեռք բերած գիտելիքների և հմտությունների ամրապնդմանը: «Հետաքրքրաշարժ ֆիզիկա» խմբակի գործունեության արդյունքում աշակերտների մոտ զարգանալու են լեզվական, սովորել սովորելու, մաթեմատիկական և գիտատեխնիկական, ինքնաճանաչողական և սոցիալական կարողունակությունները: