Մենթալ թվաբանությունը համարվում է արտադասարանական գործունեության կարևոր տեսակներից մեկը։ Մենթալ թվաբանության պարապմունքները նպաստում են սովորողների ուշադրության, հիշողության, տեղեկատվության արագ ընկալման և վերլուծման (տեսողական և լսողական) կարողության, մանր մոտորիկայի և կիսագնդերի փոխգործողության զարգացմանը և առարկայի դասավանդման ընթացքում ձեռք բերած գիտելիքների և հմտությունների ամրապնդմանը։ Մենթալ թվաբանության դասընթացի ավարտից հետո երեխան կկարողանա մտքում արագ հաշվել երկնիշ և եռանիշ թվերի գումարման և/կամ հանման 3-5 գործողություններ։