<<English Time>> անգլերեն առարկայի արտադասարանական խմբակի նպատակն է զարգացնել սովորողների հաղորդակցական (լսելու, խոսելու, գրելու և կարդալու) կարողությունները, ընդլայնել նրանց աշխարհայացքը, նպաստել հանրամշակութային կարողությունների ձևավորմանը: Նախատեսվում է ուսուցումն իրականացնել փուլային եղանակով՝ ընթանալով գիտելիքների յուրացումից, առանձին խոսքային գործողությունների մշակումից (բառապաշարային, հնչյունաբանական), քերականորեն ճիշտ կառուցվածք ունեցող նախադասություններից մինչև իսկ խոսքային ամբողջական գործունեություն: