Ցորենը միամյա խոտաբույս է։ Տարածված է բոլոր մայրցամաքներում։ Հայտնի է ցորենի՝ վայրի ու մշակովի 25 տեսակ։ Հայաստանում աճում են ցորենի 13 վայրի և մշակովի տեսակներ։ Ցորենը հնագույն մշակաբույս է։ Ծաղկաբույլը հասկ է, արմատային համակարգը փնջաձև է՝ հիմնականում տեղաբաշխված վարելաշեր­տում, լինում են առաջնային կամ երկրորդային: Սերմի ծլումը սկսվում է ջրի կլանումով, որի արդյունքում նրանք ուռչում են: Ծլի զարգացումը տեղի է ունենում սերմում պաշարված սննդանյութերի հաշվին, սաղմի բջիջների բաժանման և աճի շնորհիվ։ Ընկնելով հողի մեջ ՝ծլել և նոր սերունդ կարող է տալ միայն կենդանի սաղմ ունեցող սերմը, երբ դրա համար կան նպաստավոր պայմաններ՝ լույս, ջուր, օդ և ջերմություն։