Ծխախոտի, ալկոհոլի և թմրանյութերի վնասակար ազդեցությունը մարդու օրգանիզմի վրա

Նշված թեմայով նախագծային աշխատանք ներկայացրին 9-րդ դասարանի սովորողները։ Աշխատանքի ընթացքում նրանք ուսումնասիրեցին ծխախոտի, ալկոհոլի և թմրանյութերի ազդեցությունը մարդու օրգանիզմի տարբեր համակարգերի վրա՝ շնչառական, սրտանոթային, նյարդային և մարսողական։

Սովորողները ներկայացրին ինչպես ֆիզիկական, այնպես էլ հոգեբանական և սոցիալական հետևանքները՝ առանձնացնելով կախվածության առաջացման վտանգը և դրա երկարաժամկետ ազդեցությունը մարդու առողջության ու կյանքի որակի վրա։

Նախագծային աշխատանքի շրջանակում քննարկվեցին նաև վնասակար սովորություններից խուսափելու ուղիները, առողջ ապրելակերպի կարևորությունը և տեղեկացված ընտրություն կատարելու անհրաժեշտությունը։

Այս նախաձեռնությունը ևս միտված էր անվտանգ և ապահով կրթական միջավայրի ձևավորմանը՝ նպաստելով սովորողների առողջապահական գիտելիքների խորացմանը, պատասխանատու վարքագծի ձևավորմանը, գիտակցված ընտրության մշակույթի զարգացմանը։

Շնորհակալ ենք նախագծի ղեկավարին՝ մասնագիտական աջակցության և ուղեցույցի համար, որը սովորողներին օգնեց հասնել լավագույն արդյունքների:

Նախագծի ղեկավար՝ Լուսինե Ղազարյան