Քանի որ ուսուցման նախագծային մեթոդը ենթադրում է ուսումնական գործընթացի այնպիսի մոդելավորում, երբ սովորողը որոշակի տևական ժամանակահատվածում բազմակողմանի և բազմատեսակ, համալիր և համապարփակ հետազոտությունների, գործնական բնույթի աշխատանքների միջոցով աշխատում է հենց իրենց կամ, ընդհանրապես, հասարակությանը հուզող հիմնախնդիրների շուրջ, 7-րդ դասարանի սովորողների հետ ձեռնամուխ եղանք մի աշխատանքի, որի միջոցով կնվազեցնեինք սովորողների անտարբերությունը բնագիտական առարկաների, մասնավորապես «ֆիզիկա» առարկայի նկատմամբ:

Ստեղծեցինք «Ֆիզիկայի լաբիրինթոս» խաղը, որը իր բնույթով ուսուցողական է: Այն տեղեկություններ է պարունակում ֆիզիկական երևույթների, գիտնականների, նրանց հայտնագործությունների, նրանց կողմից ստեղծված սարքերի մասին: